Generoa eta LAP - Proiektuak eta kanpainak
Hitzarmena Emakunde-Emakumearen Euskal Erakundearekin
Osalanek lankidetza-hitzarmen bat sinatu du Emakunde-Emakumearen Euskal Erakundearekin, honako jardun-arlo hauek jasotzen dituena:
Informazioa
Laneko segurtasunari eta osasunari buruzko informazioa, adierazleak eta datuak partekatzea genero-ikuspegiarekin.
Prestakuntza
Generoari eta lan-osasunari buruzko materialak eta prestakuntza-ekintzak diseinatzea eta garatzea.
Komunikazioa
Dibulgazio-ekitaldiak antolatzea eta laneko segurtasunari eta osasunari buruzko informazio-materiala prestatzea genero-ikuspegitik.
Hitzarmen hau garatzeko, besteak beste, honako jarduera hauek egin dira:
- Koordinazioa Emakunderen laneko sexu-jazarpenaren eta sexuan oinarritutako jazarpenaren aurkako protokoloa (2021) eta Osalanen lan-eremuan sexu-jazarpena eta sexuan oinarritutako jazarpena prebenitzeko orientabideak (2019) egiteko.
- Urteko jardunaldi bateratuak garatzea
Prebentzioaren kudeaketan genero-ikuspegia txertatzeko proiektu pilotua
2018an eta 2019an, Osalaneko genero-taldeak prebentzio-antolamenduko hainbat modalitate dituzten lau enpresarekin (Askora, Lantegi Batuak, GUFE eta Itelazpi) lankidetzan jardun zuen, LAPean genero-ikuspegia txertatzeko jarraibideak ezartzeko (2017).
Proiektu pilotuan, galdesortak egin ziren, enpresek beren burua ebaluatu eta ekintza-plan bat diseinatu ahal izateko. Ezartzeko eta enpresekin kontrastatzeko prozesuaren ondoren, argitalpena (2019) eguneratu zen, erakundeek planteatutako aldaketak gehituz, eta bai Osalanek bai enpresek proiektuaren ondorioak azaldu zituzten Genero-ikuspegidun lan-osasuna eta soldata-arraila (2019) jardunaldian, Emakunderekin eta Lan Ikuskaritzarekin batera antolatutakoan.
