Laneko medikuntza - Prestakuntza
Osalanek badaki oso garrantzitsua dela laneko arriskuen prebentzioaren eremuan trebatu eta informatzea; hori dela-eta, abenduaren 21eko 7/1993 Legeak –Osalan sortzekoak– eta uztailaren 30eko 191/2002 Dekretuak –Osalanen egitura eta funtzionamenduari buruzko erregelamendua ematen duenak– esleitzen dizkioten eskudantzien barruan beti, eremua hobetzen laguntzeko jarduerak egiten ditu.
Osalanen Laneko Osasun Unitateak langileen osasuna zaintzen duten osasun-langileen prestakuntza sustatzen du, eta prestakuntza horietan parte hartzen.
Prestakuntza-planak
Prebentzio-zerbitzuetako osasun-langileak
Lan Medikuntzaren Euskal Elkartearekin eta Bilboko Mediku Zientzien Akademiarekin elkarlanean, prebentzio-zerbitzuetako osasun-langileen prestakuntza etengabe hobetzeko plan bat abiatu du Osalanek. Prestakuntza hau gure ekitaldien agendan edo esteka honetan kontsulta daiteke:
Osakidetzako osasun-langileak
Material grafikoa eta dibulgatiboa prestatu du, osasun-arloko profesionalentzat interesgarrienak diren eta beren ohiko lanean sor dakizkiekeen zalantzak argitzen lagunduko dieten laneko medikuntzaren alderdiak ezagutarazteko.
Euskadiko Lan Osasuneko Irakaskuntza Unitate Multiprofesionaleko Prestakuntzako langileak eta UPV/EHUko erizaintzako gradua dutenak
Osalan elkarlanean dabil Euskadiko Lan Osasuneko Irakaskuntza Unitate Multiprofesionalarekin, BAMEak (Laneko Medikuntza espezialitatean Barneko Mediku Egoiliarrak) eta BAEEak (Laneko Erizaintza espezialitatean Barneko Erizain Egoiliarrak) prestakuntza-aldiko errotazioan trebatu daitezen.
BAME-en kasuan, Osalanetik errotazioa egoitzako hirugarren eta/edo laugarren urtean gertatzen da, eta hiru hilabete irauten ditu. BAEE-en kasuan, berriz, Osalanetik errotazioa egoitzako bigarren urtean egiten da, eta hilabete irauten du.
Era berean, EHUrekin sinatutako akordio bati esker, Erizaintzako graduko laugarren mailako ikasleek 6-8 asteko praktikaldia egin dezakete Osalanen.