Lanean produktu kimikoekiko esposizioaren arriskua duten pertsonen zaintza espezifikoa protokolizatzea
Aitor Gisasola Yeregui. Osalan?Instituto Vasco de Seguridad y Salud Laborales.
Montserrat García Gómez. Ministerio de Sanidad, Consumo y Bienestar Social.
Raquel Fernández Sánchez. Ministerio de Sanidad, Consumo y Bienestar Social.
José Ignacio Cabrerizo Benito. Osalan?Instituto Vasco de Seguridad y Salud Laborales.
Arantza Lijó Bilbao. Osalan?Instituto Vasco de Seguridad y Salud Laborales.
Lidia Ferrer Bosch. Consellería de sanidad universal y salud pública. Generalitat Valenciana.
Jesús Torrell Martínez. Osalan?Instituto Vasco de Seguridad y Salud Laborales.
Sara Boleas Ramón. Consejería de Sanidad. Comunidad de Madrid.
Deskribapena
Laneko jarduera askotan dago agente kimiko arriskutsuekiko esposizioaren arriskua. Horietan guztietan, lanpostuen arriskuen ebaluazio zehatza egin behar da, osasunaren zaintza espezifikoa egin ahal izateko; halaxe ezartzen du apirilaren 6ko 374/2001 Errege Dekretuak, Langileen osasuna eta segurtasuna agente kimikoekin lan egiteak dituen arriskuen kontra babesteari buruzkoak. Horretarako, funtsezkoa da produktu horiek erabiltzeak osasunean izan ditzakeen ondorioei buruzko informazioa izatea. Informazio horrek bat etorri behar du erregelamendu hauetan ezarritakoarekin: 1272/2008 (EE) Erregelamendua (CLP Erregelamendua) eta 1907/2006 (EE) Erregelamendua (REACH Erregelamendua), eta Produktu Kimikoen Europako Agentziaren (ECHA) Sailkapen eta Etiketa Katalogoan sartu behar da informazioa.