Lanean ongizatea sustatzen

Lanean ongizatea sustatzen dugu

Gaur egun, laneko segurtasuna eta osasuna espazio fisikoak edo prebentzio erreaktiboa baino askoz ere zabalagoa dela ulertzen dugu. Arriskuei aurrea hartzen dien eta pertsonak jatorritik zaintzen dituen lan egiteko modu baterantz eboluzionatzearen aldeko apustua egiten dugu: zereginak, denborak, harremanak eta lan-kultura antolatzea.

Prebentzioa da abiapuntua

Ongizate fisikoa, mentala eta soziala integratzen dituen prebentzioaren ikuspegia indartzen dugu. Honekin enpresei, Prebentzio Zerbitzuei, langileei eta gizarte- zein ekonomia- eragileei gonbita egiten diegu lan‑ingurune seguruagoak, osasungarriagoak eta iraunkorragoak eraikitzeko rol aktiboa har dezaten.

Apirilak 28, Laneko Segurtasun eta Osasunaren Munduko Eguna

Apirilaren 28a Laneko Segurtasun eta Osasunaren Munduko Eguna dela eta, langileen ongizate integralean oinarritutako sentsibilizazio-kanpaina berri bat aurkeztu nahi dugu. Ekimena funtsezko testuinguru batean kokatzen da, 2026a Laneko Segurtasun eta Osasunaren Urtea izendatzeak eta Laneko Arriskuen Prebentziorako Legearen 30. urteurrenak markatuta. Kanpaina bat dator Europako Laneko Segurtasun eta Osasun Agentziaren estrategiekin eta Lanaren Nazioarteko Erakundearekin (OIT), haren leloa, aurten, “Bermatu dezagun laneko ingurune psikosozial osasungarria” baita.

Zentzu horretan, komunikazioan, plangintzan, erabaki guztietan prebentzioa txertatzean eta pertsona guztien parte‑hartze aktiboan oinarritutako prebentzio‑kulturaren garrantzia indartzen dugu, eta ongizate fisikoa, mentala eta soziala lan‑osasunaren erdigunean kokatu.